Fəsilə: Rutaceae - Sədokimilər print
- Hüceyrəli formalar
- Üst aləm: Eucaryota
- Aləm: Plantae
- Alt aləm: Embryophyta
- Şöbə: Angiospermae və ya Magnoliophyta
- Sinif: Dicotyledoneae
- Fəsilə: Rutaceae
Tropik, subtropik və isti-mülayim iqlimli ölkələrdə, xüsusən Cənubi Afrika və Avstraliyada yayılan 150 cins üzrə 1500-1600 növü var. Əsasən, tropik və subtropik ölkələrdə yayılan ağac, kol və ot bitkiləridir. Çiçəkləri ikicinslidir, müntəzəm, az hallarda ziqomorfdur. Erkəkcikləri bəzən zəif inkişaf edir. Kasa yarpaqları 4-5 bölümlüdür. Ləçəkləri 4-8 ədəd olub, vəzli diskvari hissənin kənarına bitişir. Erkəkcikləri 4-5 və ya çox, yumurtalığı üst vəziyyətdədir. Meyvəsi qutucuq, çəyirdək yaxud giləmeyvədir. Əsasən, həmişəyaşıl ağac və koldur, bəzən bir və çoxillik ot bitkiləridir. Azərbaycanda yabanı halda 2, əkilib-becərilən isə 7 cinsin növlərinə rast gəlinir. Efir yağlı bitkilərdir.
- Cins: Dictamnus - Alışan və ya dəndəgülü
- Cins: Fortunella - Kinkan və ya kumkvat +
- Cins: Phellodendron - Məxmərağacı +
- Cins: Poncirus - Ponsirus və ya üçyarpaq limon +
- Cins: Ptelea - Pteleya +
- Cins: Ruta - Sədo +
- Cins: Haplophyllum - Sədovər
- Cins: Citrus - Sitrus +
- Cins: Zanthoxylum - Zantoksilum +
İstifadə olunmuş ədəbiyyat siyahısı:
1. Aydın Əsgərov. Azərbaycanın bitki aləmi. Bakı: TEAS Press, 2016. - 444 s.