Cins: Lallemantia - Lallemansiya print
- Hüceyrəli formalar
- Üst aləm: Eucaryota
- Aləm: Plantae
- Alt aləm: Embryophyta
- Şöbə: Angiospermae və ya Magnoliophyta
- Sinif: Dicotyledoneae
- Fəsilə: Labiatae
- Cins: Lallemantia
Kiçik Asiya, İran, Əfqanıstan və Himalay dağlarında yayılan 5 növü var. Əksər növləri İran-Turan coğrafi elementi olan bu cinsin Azərbaycanda 4 növünə Naxçıvan, Diabar və Kiçik Qafqazın cənubunda, aşağı və orta dağ qurşağında, bəzən aranda (Naxçıvan, Culfa) quraq daşlı-qayalı yerlərdə, kolluqlarda, az hallarda bağ və əkinlərdə rast gəlinir. Bir, iki və çoxillik ot bitkiləridir. Çiçəkləri sünbülşəkilli çiçək qrupuna yığılır, çiçəkaltlığı vardır. Kasacığı boruşəkilli, tacı bənövşəyi, mavi-bənövşəyi, göy rəngli, bəzən sarımtıl-ağdır. Erkəkcikləri 4 ədəddir. Meyvəsi uzunsov, üçtilli, qara və ya tünd qəhvəyi fındıqcadır. Balverən və texniki (yağlı) bitkilərdir.
- Növ: Lallemantia canescens
- Növ: Lallemantia iberica
- Növ: Lallemantia peltata
- Növ: Lallemantia royleana